Lonavala News l बोरजमध्ये गावठी हातभट्टीवर लोणावळा ग्रामीण पोलिसांचा छापा; २ हजार लिटर कच्चे रसायन जागीच नष्ट

लोणावळा : बोरज (ता. मावळ) गावच्या हद्दीतील गायरान परिसरात सुरू असलेल्या अवैध गावठी हातभट्टीवर लोणावळा ग्रामीण पोलिसांनी धडक कारवाई केली. या कारवाईत तब्बल २ हजार लिटर गावठी हातभट्टीचे कच्चे रसायन पोलिसांच्या हाती लागले. हे रसायन पोलिसांनी जागीच नष्ट केले आहे.        पोलिसांकडून मिळालेल्या माहितीनुसार, १५ सप्टेंबर २०२६ रोजी बोरज गावच्या हद्दीतील गायरानात दाट झाडाझुडपांचा फायदा घेत काही इसम अवैध गावठी हातभट्टी चालवत असल्याची गुप्त माहिती पोलीस उपअधीक्षक भूषण माने यांना मिळाली होती. या मिळालेल्या माहितीची खातरजमा करून पोलिसांनी तातडीने पथक तयार केले आणि संबंधित ठिकाणी छापा टाकला. यावेळी गायरान परिसरात लपवून ठेवलेले सुमारे २,००० लिटर कच्चे रसायन आढळून आले.        या कारवाईमुळे बोरज परिसरातील अवैध हातभट्टी व्यवसायाला मोठा धक्का बसला आहे.ही कारवाई पोलीस उपअधीक्षक भूषण माने, सहाय्यक पोलीस निरीक्षक विजया म्हेत्रे, पोलीस उपनिरीक्षक नाथा केकान, ग्रेड पोलीस उपनिरीक्षक प्रकाश वाघमारे तसेच पोलीस अंमलदार जय पवार, नितीन कदम, संतोष वाडेकर, अक्षय देवकते, यश देसाई आणि ऋषीकेश अभंग यांच्या पथकाने केली. ही कारवाई पुणे ग्रामीणचे पोलीस अधीक्षक संदीपसिंग गिल, अपर पोलीस अधीक्षक डॉ. शुभम कुमार आणि लोणावळा उपविभागीय पोलीस अधिकारी गजानन टोम्पे यांच्या मार्गदर्शनाखाली करण्यात आली.        दरम्यान, मावळ परिसरात अवैध गावठी हातभट्टीसह बेकायदेशीर धंद्यांविरोधात कारवाई सुरू असून, अशा प्रकारच्या गैरकायदेशीर कृत्यांना आळा घालण्यासाठी यापुढेही कठोर कारवाई करण्यात येणार असल्याचे पोलिसांनी स्पष्ट केले आहे.

मोठी कारवाई l तुंगार्लीतील बांधकाम साईटवर चोरी; लोणावळा पोलिसांनी आरोपीला मुद्देमालासह केली अटक

मोठी चोरी l लोणावळ्यात बंद बंगला फोडून १४ लाखांहून अधिक रकमेचा मुद्देमाल लांबवला; अज्ञात चोरांविरुद्ध गुन्हा दाखल

कामशेत परिसरात गांजा विक्री करणारा इसम जेरबंद!

कार्ला येथील संत रोहिदास तरुण मंडळाकडून गुणवंत विद्यार्थ्यांचा विशेष सन्मान

लोणावळा : गणरायाच्या आगमन आणि उत्सवाचे औचित्य साधून सामाजिक भान जपणाऱ्या कार्ला गावातील श्री संत रोहिदास तरुण मंडळाच्या वतीने यंदाही इयत्ता दहावी आणि बारावीच्या परीक्षेत घवघवीत यश संपादन करणाऱ्या गुणवंत विद्यार्थ्यांचा विशेष सन्मान करण्यात आला. दरवर्षीप्रमाणे यंदाही मंडळाने शैक्षणिक गुणवत्तेचा गौरव करत सामाजिक उपक्रमांची परंपरा कायम राखली आहे.        श्री संत रोहिदास तरुण मंडळ दरवर्षी अतिशय उत्साहात गणेशोत्सव साजरा करते. या मंडळाच्या गणपतीची स्थापना दीड दिवसांसाठी केली जाते. यंदाच्या गणेशोत्सवात मंडळाच्या वतीने 'चांगदेव भेट' या अध्यात्मिक व नयनरम्य देखाव्याची उभारणी करण्यात आली होती, जी भाविकांच्या विशेष आकर्षणाचा केंद्रबिंदू ठरली. दीड दिवसाच्या उत्सवादरम्यान सत्यनारायण महापूजेचे आयोजन करण्यात आले होते. या धार्मिक कार्यक्रमानंतर गावातून इयत्ता दहावी व बारावीच्या परीक्षेत प्रथम, द्वितीय आणि तृतीय क्रमांक पटकावणाऱ्या गुणवंत विद्यार्थ्यांना सन्मानचिन्ह देऊन सन्मानित करण्यात आले. विद्यार्थ्यांमधील अभ्यासाची आवड वाढीस लागावी आणि त्यांना पुढील वाटचालीस प्रोत्साहन मिळावे, या उद्देशाने हा उपक्रम दरवर्षी राबवला जातो.        या सोहळ्यास मंडळाचे अध्यक्ष अनिल पटेकर, उपाध्यक्ष ओंकार शिर्के, सचिव काशिनाथ फाटक यांच्यासह पोलीस पाटील संजय जाधव, उद्योजक प्रशांत हुलावळे, सचिन वाडेकर, ॲड. विशाल हुलावळे, दत्तात्रय जाधव, सुरेश जाधव, दिनेश जाधव, सुरज हुलावळे, स्वप्नील दळवी, अतिश हुलावळे, गणेश हुलावळे, कैलास हुलावळे आणि मंडळाचे इतर सर्व सदस्य व ग्रामस्थ मोठ्या संख्येने उपस्थित होते. कार्यक्रमाचे सूत्रसंचालन वेदिका जाधव व गायत्री जाधव यांनी केले, तर उपस्थितांचे आभार दिनेश जाधव यांनी मानले.

Mumbai pune Expressway l मुंबई-पुणे एक्सप्रेस वेवर कामशेत जवळ प्रचंड वाहतूक कोंडी; प्रवासी बस रस्त्यात फिरून आडवी होऊन अपघात

ग्लोबल गुरुजी उपक्रमात मावळचे नाव उज्ज्वल: चार शिक्षकांची सिंगापूर शैक्षणिक अभ्यास दौऱ्यासाठी निवड

मावळातील ४५ दिव्यांग लाभार्थ्यांना मोफत कृत्रिम अवयवांचे वाटप

मुसळधार पावसाच्या पार्श्वभूमीवर पुणे जिल्हा प्रशासनाची सतर्कता; ३० जणांची सुटका, २७० हून अधिक नागरिकांचे सुरक्षित स्थलांतर

पुणे, दि. ६ जुलै : पुणे जिल्ह्यात ५ व ६ जुलै रोजी झालेल्या अतिवृष्टीमुळे काही ठिकाणी दरडी कोसळणे, पूल पाण्याखाली जाणे तसेच रस्ते व रेल्वे वाहतुकीवर परिणाम होण्याच्या घटना घडल्या. प्रादेशिक हवामान विभागाने रेड अलर्ट जारी केल्यानंतर जिल्हा प्रशासनाने तत्काळ सर्व यंत्रणा सज्ज करून महसूल, पोलीस, अग्निशमन दल, एनडीआरएफ, एसडीआरएफ तसेच स्थानिक स्वराज्य संस्थांच्या समन्वयातून युद्धपातळीवर बचाव व मदतकार्य राबविले. या कार्यवाहीत ३० जणांची सुरक्षित सुटका करण्यात आली, तर २७० हून अधिक नागरिकांचे सुरक्षित स्थळी स्थलांतर करण्यात आले. दुर्दैवाने मावळ तालुक्यातील पाटण येथे घरावर दरड कोसळून ३ जणांचा मृत्यू झाला.जिल्ह्यातील २७ महसूल मंडळांमध्ये ६५ मिमीपेक्षा अधिक पाऊस झाला असून मावळ तालुक्यात सर्वाधिक २३७.३ मिमी पर्जन्यमानाची नोंद झाली आहे.मावळ तालुक्यात तळेगाव परिसरात पाण्यात अडकलेल्या कंपनीच्या बसमधील ३० कर्मचाऱ्यांना अग्निशमन दलाने सुरक्षित बाहेर काढले. ताजे गावातील डोंगरपायथ्यावरील सुमारे २५० नागरिकांचे सुरक्षित ठिकाणी स्थलांतर करण्यात आले. मुंबई–पुणे द्रुतगती मार्गावरील मिसिंग लिंक परिसर तसेच लोणावळा–कर्जत रेल्वेमार्गावरील दरडी हटविण्याचे काम युद्धपातळीवर सुरू असून वाहतूक पूर्ववत करण्यासाठी संबंधित यंत्रणा सातत्याने कार्यरत आहेत.हवेली तालुक्यातील भावडी येथे पाच कुटुंबांतील २२ ते २४ नागरिकांना सुरक्षित स्थळी हलविण्यात आले. देहू, आळंदी आणि इतर पूरग्रस्त भागांमध्ये नागरिकांच्या सुरक्षेला प्राधान्य देत पूल व धोकादायक मार्ग तात्पुरते बंद करण्यात आले. आळंदी येथे इंद्रायणी नदीच्या वाढत्या पाणीपातळीमुळे मंदिर परिसर आणि धर्मशाळांमधील भाविकांना सुरक्षित स्थळी हलविण्यात आले. Bमुळशी, भोर, वेल्हे, खेड, पुरंदर तसेच इतर तालुक्यांमध्ये दरडी कोसळलेल्या ठिकाणी तातडीने यंत्रणा पाठवून दगड-माती हटविणे, रस्ते खुले करणे, बॅरिकेडिंग करणे आणि धोकादायक भागातील नागरिकांचे स्थलांतर करण्याची कार्यवाही करण्यात आली. अनेक ठिकाणी संभाव्य धोका ओळखून वाहतूक बंद करण्यात आल्याने मोठ्या दुर्घटना टाळण्यात प्रशासनाला यश आले. पुणे शहरातील सदाशिव पेठेतील धोकादायक इमारत तातडीने रिकामी करण्यात आली. पिंपरी-चिंचवड व शिरूर येथील घटनांमध्येही संबंधित यंत्रणांनी तत्काळ प्रतिसाद देत मदतकार्य सुरू केले असून बेपत्ता व्यक्तींचा शोध सुरू आहे.मुख्यमंत्री, उपमुख्यमंत्री तथा पालकमंत्री यांनी घेतला परिस्थितीचा आढावा; प्रशासनाला सतर्क राहण्याचे निर्देशमुख्यमंत्री देवेंद्र फडणवीस यांनी दूरदृश्य प्रणालीद्वारे पुणे जिल्ह्यातील अतिवृष्टीच्या परिस्थितीचा आढावा घेऊन जिल्हाधिकाऱ्यांकडून सविस्तर माहिती घेत आवश्यक त्या सूचना दिल्या. उपमुख्यमंत्री तथा पालकमंत्री सुनेत्रा अजित पवार यांनीही जिल्ह्यातील प्रत्येक घडामोडीची सातत्याने माहिती घेत संबंधित यंत्रणांच्या अधिकाऱ्यांशी दूरध्वनीद्वारे संपर्क साधून आवश्यक सूचना दिल्या तसेच पुढील दिवशीही पूर्ण सतर्कता बाळगण्याचे निर्देश दिले.  जिल्हाधिकारी जितेंद्र डुडी यांनी दिवसभर सर्व तालुक्यांतील परिस्थितीचा सातत्याने आढावा घेत महसूल, पोलीस, आपत्ती व्यवस्थापन तसेच इतर संबंधित यंत्रणांमध्ये समन्वय साधून बचाव व मदतकार्य प्रभावीपणे राबविण्याच्या सूचना दिल्या. जिल्हाधिकारी यांच्या मार्गदर्शनाखाली जिल्हा प्रशासनाची सर्व यंत्रणा २४ तास कार्यरत असून परिस्थितीवर सातत्याने लक्ष ठेवण्यात येत आहे. नागरिकांनी अफवांवर विश्वास न ठेवता केवळ अधिकृत माहितीवर विश्वास ठेवावा, अनावश्यक प्रवास टाळावा आणि प्रशासनाच्या सूचनांचे काटेकोर पालन करावे, असे आवाहन जिल्हा प्रशासनाने केले आहे.

मोठी बातमी l भिकमुक्त पुणे जिल्हा मोहिमेचा राज्यस्तरीय निर्धार; भीक मागणाऱ्यांचे होणार पुनर्वसन

मराठी पत्रकार संघाच्या राज्यस्तरीय महाअधिवेशनात मोठी घोषणा; सर्व जिल्ह्यांत पत्रकार भवनासाठी जागा देणार - मंत्री चंद्रशेखर बावनकुळे

सूक्ष्म योगा फाउंडेशनचे पंकज शर्मा यांना आदर्श महाराष्ट्र रत्न पुरस्कार २०२६ प्रदान