सिंहगड इन्स्टिट्यूट ऑफ टेक्नॉलॉजी लोणावळा येथे पाच दिवसीय सायबर सुरक्षा प्रशिक्षण कार्यक्रम उत्साहात

लोणावळा : सिंहगड इन्स्टिट्यूट ऑफ टेक्नॉलॉजी (SIT), लोणावळा येथे विद्यार्थ्यांना सायबर सुरक्षा, नेटवर्किंग आणि Linux या विषयांचे सैद्धांतिक ज्ञानासोबतच प्रत्यक्ष प्रशिक्षण मिळावे या उद्देशाने पाच दिवसीय Cybersecurity Training Program आयोजित करण्यात आला. या प्रशिक्षणादरम्यान विद्यार्थ्यांना सायबर धोक्यांविषयी जागरूकता, ऑनलाइन सुरक्षिततेच्या उपाययोजना आणि वैयक्तिक माहितीचे संरक्षण याबाबत मार्गदर्शन करण्यात आले.

     या प्रशिक्षणाचे मार्गदर्शन NIT Foundation येथील सायबर सुरक्षा प्रशिक्षक राघव कुमार यांनी केले. सायबर सुरक्षेच्या क्षेत्रातील तीन वर्षांहून अधिक अनुभव असलेल्या राघव कुमार यांना Network Security, SIEM, Linux Administration, Cloud Security आणि Cybersecurity Labs या क्षेत्रांमध्ये विशेष प्राविण्य आहे. ते B.Tech Computer Science पदवीधर असून विविध उद्योगमान्य Cybersecurity Certifications तसेच प्रत्यक्ष औद्योगिक अनुभव त्यांच्याकडे आहे.

     प्रशिक्षणादरम्यान विद्यार्थ्यांना OSI Model, Network Cables, Network Topologies आणि IP Addresses यांची सविस्तर माहिती देण्यात आली. विद्यार्थ्यांनी Kali Linux च्या माध्यमातून विविध प्रात्यक्षिक उपक्रमांमध्ये सहभाग घेत नेटवर्क तयार करणे, जोडणी करणे आणि कॉन्फिगर करणे याचा प्रत्यक्ष अनुभव घेतला. तसेच विद्यार्थ्यांना Linux Operating System, त्याची मूलभूत कार्यपद्धती, विविध Linux Commands आणि नेटवर्किंग व सायबर सुरक्षेमधील त्याचे महत्त्व याबाबत प्रात्यक्षिकांसह प्रशिक्षण देण्यात आले. प्रत्यक्ष सरावामुळे विद्यार्थ्यांना सायबर सुरक्षा क्षेत्रातील संकल्पना अधिक प्रभावीपणे समजून घेण्यास मदत झाली.

     या पाच दिवसीय प्रशिक्षण कार्यक्रमामुळे विद्यार्थ्यांमध्ये सायबर सुरक्षा जागरूकता, नेटवर्किंगचे ज्ञान, Linux कौशल्ये, समस्या सोडविण्याची क्षमता आणि प्रत्यक्ष तांत्रिक अनुभव विकसित झाला. आधुनिक डिजिटल युगातील सायबर धोक्यांना सामोरे जाण्यासाठी विद्यार्थ्यांना आवश्यक मूलभूत कौशल्ये आणि सुरक्षित डिजिटल व्यवहाराचे महत्त्व समजले.

     या उपक्रमाच्या यशस्वी आयोजनाबद्दल लोणावळा संकुलाचे संचालक डॉ. राजेंद्र लोखंडे, प्रभारी प्राचार्य डॉ. डी. एस. मंत्री, उपप्राचार्य डॉ. एस. एम. गायकवाड, सर्व विभागप्रमुख, प्राध्यापक, ट्रेनिंग अँड प्लेसमेंट सेलचे प्रमुख प्रा. मयूर राऊत, प्रशिक्षण समन्वयक डॉ. अमोल कालगे, शिक्षकेतर कर्मचारी तसेच प्रशिक्षण समन्वयक आणि संबंधित टीमचे मोलाचे मार्गदर्शन व सहकार्य लाभले. त्यांच्या मार्गदर्शनामुळे विद्यार्थ्यांना सायबर सुरक्षा, नेटवर्किंग आणि Linux या क्षेत्रांमध्ये अद्ययावत ज्ञानासोबतच प्रत्यक्ष प्रशिक्षणाचा अनुभव मिळाला. या उपक्रमाबद्दल विद्यार्थ्यांनी समाधान व्यक्त करत प्रशिक्षणाचा त्यांच्या तांत्रिक कौशल्यविकासासाठी मोठा फायदा झाल्याचे सांगितले.