आनंदवार्ता ! लोणावळा रायफल अकॅडमीचे महाराष्ट्र राज्य रायफल शूटिंग स्पर्धेत घवघवीत यश
लोणावळा : लोणावळा रायफल अकॅडमीच्या खेळाडूंनी महाराष्ट्र राज्यातील २८ व्या कॅप्टन इजिकल रायफल शूटिंग स्पर्धेत जबरदस्त कामगिरी करत लोणावळा शहर आणि मावळ तालुक्याचे नाव संपूर्ण राज्यात उज्ज्वल केले आहे. ही स्पर्धा ५ ते ९ जूनदरम्यान वरळी, मुंबई येथे पार पडली.
मुख्य कामगिरी:
1} शिवराज शिंदे यांनी ५०० मीटर प्रोन रायफल (सीनियर गट) या प्रकारात ६०० पैकी ५८३ गुण मिळवत सुवर्णपदक पटकावले.
2} दया बाळासाहेब पारखी याने ५०० मीटर थ्री पोझिशन रायफल (ज्युनियर गट) मध्ये ६०० पैकी ५३० गुणांसह कांस्यपदक जिंकले.
अन्य खेळाडूंची उल्लेखनीय कामगिरी:
- नवनीत ठाकूर – ५६९ गुण
- उत्कर्ष सोनी – ५४७ गुण
- मयुरी काकड – ५४५ गुण
- विराज काकडे – ५०८ गुण
वरील सर्व खेळाडूंनी उत्कृष्ट खेळाचे प्रदर्शन करत "ऑल इंडिया जी. व्ही. माळणकर शूटिंग स्पर्धा" साठी आपली पात्रता सिद्ध केली आहे.
१० मीटर एअर रायफल स्पर्धेत देखील जबरदस्त सहभाग:
- आरुष ओझरकर (ज्युनियर गट) – ४०० पैकी ३८० गुण (राज्यात १५वा क्रमांक)
- शिलो एरिका प्रतिश – ३७७ गुण
- प्रणिती संजय ढाकोळ – ३७४ गुण
- दया पारखी – ३७१ गुण
- आयुष सूर्यवंशी – ३६७ गुण
- दक्ष लोंढे – ३५४ गुण
या सर्व खेळाडूंनाही ऑल इंडिया जी. व्ही. माळणकर स्पर्धेसाठी निवड करण्यात आली आहे.
प्रशिक्षण आणि मार्गदर्शन:
सर्व खेळाडूंना जुना खंडाळा येथील सराव केंद्रावर प्रशिक्षक राज सुधीर दाभाडे व स्नेहल राज दाभाडे यांचे उत्तम मार्गदर्शन लाभले. ही यशकथा लोणावळ्यातील नवोदित खेळाडूंना प्रेरणा देणारी ठरत आहे. शहराच्या आणि तालुक्याच्या पातळीवरून राष्ट्रीय स्तराकडे वाटचाल करणाऱ्या या रायफलपटूंचे सर्वत्र कौतुक होत आहे.
