लोणावळ्यात चोरट्यांचा धुमाकूळ सुरूच! एचडीएफसी बँकेजवळील जैन मंदिरात मध्यरात्री चोरी

लोणावळा (प्रतिनिधी) – शहरात गेल्या काही दिवसांपासून चोऱ्यांच्या घटनांमध्ये झपाट्याने वाढ होत असून, नागरिकांमध्ये भीतीचे वातावरण निर्माण झाले आहे. शनिवारी मध्यरात्रीनंतर रविवारी पहाटेच्या सुमारास, तुंगार्लीकडे जाणाऱ्या मार्गावर एचडीएफसी बँकेजवळ असलेल्या जैन मंदिरात चोरीची घटना घडली. चार चोरट्यांनी मंदिरात घुसून दानपेटी फोडून त्यातील रक्कम लंपास केली.गेल्या आठवड्याभरात घडलेली ही पाचवी चोरीची घटना असून, शहराच्या सुरक्षेच्या बाबतीत मोठा प्रश्नचिन्ह निर्माण झाला आहे. याआधी ठोंबरेवाडी व गवळीवाडा येथील मंदिरांमध्ये चोरी व चोरीच्या प्रयत्नाच्या घटना घडल्या होत्या. त्या प्रकरणात लोणावळा शहर पोलिसांनी अवघ्या चार तासांत चोरट्यांना अटक केली होती.त्यानंतर सोमवारी प्रसिद्ध डॉक्टर खंडेलवाल यांच्या निवासस्थानी मध्यरात्री दरोड्याचा प्रकार घडला. त्याच आठवड्यात मंगळवारी, लोणावळा पोलीस स्टेशनच्या समोर असलेल्या 'पैठणी' साड्यांच्या दुकानातही चोरी झाली.या सर्व प्रकरणांचा तपास सुरू असतानाच पुन्हा एका मंदिरात चोरी झाल्याने पोलीस यंत्रणेपुढे मोठे आव्हान उभे राहिले आहे. जैन मंदिरातील चोरीचे दृश्‍य सीसीटीव्ही कॅमेऱ्यात कैद झाले असून, चार चोरटे मंदिरात घुसून दानपेटी फोडत आणि पैसे घेऊन पळताना स्पष्टपणे दिसून येतात. विशेष म्हणजे, चोरट्यांनी चेहरा झाकलेला नव्हता.मंदिर व्यवस्थापनाकडून दिलेल्या माहितीनुसार, मागील सात-आठ महिन्यांपासून दानपेटी उघडण्यात आलेली नव्हती. त्यामुळे चोरी झालेली रक्कम नेमकी किती आहे हे स्पष्ट नाही, मात्र ती लक्षणीय असल्याचा अंदाज व्यक्त करण्यात येत आहे. मंदिराच्या विश्वस्तांनी या प्रकरणी लोणावळा शहर पोलीस ठाण्यात तक्रार दाखल केली आहे.शहरात वाढत्या चोऱ्यांच्या पार्श्वभूमीवर पोलिसांनी रात्रीची गस्त वाढवली असली, तरी चोरटे निर्भयपणे नवीन ठिकाणी हात साफ करत आहेत. या सर्व घटनांमुळे शहरातील सुरक्षाव्यवस्थेवर प्रश्नचिन्ह उपस्थित झाले असून, स्थानिक नागरिकांत प्रचंड अस्वस्थता आणि नाराजी पसरली आहे.

Accident News l मुंबई पुणे एक्सप्रेस वे वर भरधाव ट्रक ची रस्त्याच्या कडेला उभ्या असलेल्या पिकअप टेम्पोला धडक; दोन जणांचा जागीच मृत्यू

Lonavala Crime News l लोणावळ्यात दरोड्याचा थरार: ११.५ लाखांचे दागिने व रोकड लंपास, डॉक्टर कुटुंबासह वॉचमनला बांधून ठेवले

Accident News l मुंबई पुणे महामार्गावर खंडाळा येथे भीषण अपघात; तीन जणांचा मृत्यू तर 14 जण जखमी

आगामी स्थानिक स्वराज्य संस्थेच्या निवडणुकीच्या पार्श्वभूमीवर शिवसेना ठाकरे पक्षाची महत्त्वपूर्ण बैठक मावळात संपन्न

लोणावळा : आगामी स्थानिक स्वराज्य संस्थेच्या निवडणुकीच्या पार्श्वभूमीवर शिवसेना उद्धव बाळासाहेब ठाकरे पक्षाचे महत्त्वपूर्ण आढावा बैठक वडगाव मावळ या ठिकाणी रविवारी 15 जून रोजी संपन्न झाली. जिल्हा परिषदा पंचायत समिती व नगरपरिषद नगरपंचायती या निवडणुका शिवसेना पक्ष पूर्ण ताकतीने लढवणार आहे याकरिता सर्व पदाधिकारी व कार्यकर्ते यांनी कामास सुरुवात करावी अशा प्रकारच्या सूचना शिवसेनेचे पुणे जिल्हा संपर्कप्रमुख आमदार सचिन भाऊ अहिर यांनी या बैठकीमध्ये मावळ तालुक्यातील शिवसेना पदाधिकाऱ्यांना दिल्या आहेत.       यावेळी शिवसेना पुणे जिल्हा सहसंपर्कप्रमुख आदित्य शिरोडकर, मावळ तालुका संपर्कप्रमुख प्रभाकर पवार, महिला आघाडी सहसंपर्क प्रमुख पुणे जिल्हा शादान चौधरी, पुणे जिल्हा संघटक बाळासाहेब फाटक, मावळ तालुका प्रमुख आशिष ठोंबरे, युवासेना पुणे जिल्हा अधिकार अनिकेत घुले, महिला आघाडी जिल्हा संघटिका शैलाताई खंडागळे, उपजिल्हा संघटिका संगिता सोनवणे, तालुका सल्लागार प्रमुख मारूती खोले, युवती सेनेच्या सना चौधरी, अवजड वहातुक सेना पुणे जिल्हा अध्यक्ष हेमंत मेने, युवासेना तालुका अधिकारी उमेश गावडे, उपतालुका अधिकारी अक्षय साबळे, मावळ तालुका संघटक अशोक निकम, शांताराम भोते, किसन तरस, तालुका समन्वयक रविंद्र गायकवाड, शोभिनाथ भोईर, भरत भोते, मावळ तालुका समन्वयक रमेश जाधव, विशाल दांगट, लोणावळा शहरप्रमुख परेश बडेकर, वडगाव शहरप्रमुख राहुल नखाते, तळेगाव शहरप्रमुख शंकर भेगडे, देहुरोड शहरप्रमुख संदिप बालघरे, लोणावळा शहर समन्वयक जयवंत दळवी जेडी,उपशहरप्रमुख नागेश दाभाडे, लोणावळा शहर प्रवक्ते अनिल कडु, लोणावळा शहार सल्लागार रामभाऊ थरकुडे, ज्ञानदेव कदम, विभागप्रमुख क्रिशना शिळवणे, प्रकाश चव्हाण, शाखाप्रमुख जितेंद्र ठोंबरे, कुणाल सपकाळ, धिरज घारे, युवासैनिक सुमित भोसले आदी आजी माजी पदाधिकारी कार्यकर्ते व शिवसैनिक यावेळी मोठ्या संख्येने उपस्थित होते.

मावळातील मोठी दुर्घटना l इंदुरी (कुंडमळा) येथे इंद्रायणी नदीवरील पूल कोसळला; 4 जणांचा मृत्यू, 51 जण जखमी

मनसे अध्यक्ष राज ठाकरे यांच्या वाढदिवसानिमित्त देवले शिक्षणग्राम अनाथ आश्रमात केक कापून अन्नदान

कुंडमळा पुल दुर्घटना l पुल पडला तेव्हा… पुलावर शेकडो पर्यटक होते; 38 जणांना पाण्यातून बाहेर काढण्यात यश; दोघांचा उपचारा दरम्यान मृत्यू – 18 जणांची प्रकृती गंभीर

Mock Drill l पुणे शहरी व ग्रामीण भागात ऑपरेशन अभ्यासातंर्गत सहा ठिकाणी मॉक ड्रिल यशस्वी -जिल्हाधिकारी जितेंद्र डुडी

पुणे : केंद्र शासनाच्या निर्देशानुसार जिल्ह्यात विधानभवन, पुणे महानगरपालिका, पिंपरी चिंचवड महानगरपालिका, वनाज औद्योगिक परिसर, तळेगाव, मुळशी या सहा ठिकाणी ‘ऑपरेशन अभ्यास’ अंतर्गत मॉक ड्रिल घेण्यात आले. या सर्व ठिकाणी मॉक ड्रिल यशस्वीपणे पार पडल्यानंतर विधानभवनाच्या प्रांगणात जिल्हाधिकारी जितेंद्र डुडी यांनी माहिती दिली.       यावेळी विधान भवन परिसरात विभागीय आयुक्त डॉ. चंद्रकांत पुलकुंडवार, नागरी संरक्षण दलाचे उपनियंत्रक कर्नल प्रशांत चतुर, अपर आयुक्त अरुण आनंदकर, जिल्हा शल्यचिकित्सक डॉ. नागनाथ यमपल्ले, जिल्हा आपत्ती व्यवस्थापन अधिकारी विठ्ठल बनोटे तसेच विविध विभागांचे अधिकारी उपस्थित होते.      श्री. डुडी म्हणाले, या मॉक ड्रिलमध्ये सर्व गोष्टींचा समावेश करण्यात आला होता. सुरुवातीला भोंगा वाजविण्यात आला. त्यानंतर कृत्रिम पद्धतीने स्फोट करण्यात आला, त्यानंतर अश्रू धूराच्या नळकांड्या फोडण्यात आल्या. याप्रसंगी परिसरातील इमारतीत काही लोक अडकले होते, त्यांना एनडीआरएफच्या मदतीने बाहेर काढण्यात आले. परिस्थितीचे गांभीर्य ओळखत आरोग्य विभाग, अग्निशमन दल व नागरी संरक्षण दल यांनी समन्वयाने काम केले. यानुषंगाने सर्व उपाययोजनेत प्रतिसादाची वेळ योग्य होती. सर्व यंत्रणांनी तात्काळ प्रतिसाद दिला. आरोग्य यंत्रनेने आरोग्य सुविधा रुग्णवाहीका सेवा वेळेत उपलब्ध करुन देण्याचे प्रात्यक्षिक दाखविले. अग्निशमन वाहनाने आपली जबाबदारी योग्य रितीने पार पाडली. मॉक ड्रिलची सर्व प्रक्रिया 25 ते 60 मिनिटात पूर्ण करण्यात आली.        ग्रामीण भागातील लोकांमध्ये या मॉक ड्रिलद्वारे जनजागृती होण्यासाठी तेथील सरपंच, ग्रामसेवक व स्थानिक नागरिक यांनीही यात सहभाग घेतला होता. या मॉक ड्रिलमध्ये खूप कमी वेळात प्रशासनाने तयारी करुन सर्व विभागांनी आपाआपली जबाबदारी, नेमून दिलेले काम योग्य पद्धतीने पार पाडले.      विधानभवन प्रांगण, पुणे महानगरपालिका प्रशासकीय इमारत, पिंपरी चिंचवड महानगरपालिका प्रशासकीय इमारत, वनाज औद्योगिक परिसर, मुळशी पंचायत समिती आणि तळेगाव नगरपरिषद या शहरी व ग्रामीण भागात एकाच वेळी दुपारी चार वाजता मॉक ड्रिल घेण्यात आले. या मॉक ड्रिलमध्ये संरक्षण दल, नागरी संरक्षण दल, एनडीआरएफ, पोलीस, महसूल, आरोग्य, नगरपालिका, महानगरपालिका, अग्निशमन दल, आपत्ती व्यवस्थान विभाग, रेड क्रॉस सोसायटी, तसेच संबंधित शासकीय विभागातील अधिकारी व कर्मचारी, राष्ट्रीय छात्रसेना, राष्टीय सेवा योजनेचे विद्यार्थी, नेहरु युवा केंद्राचे विद्यार्थी आणि महाविद्यालयीन विद्यार्थी सहभागी झाले होते. ही मॉक ड्रिल दक्षता म्हणून घेण्यात आल्याचे जिल्हाधिकारी जितेंद्र डुडी यांनी यावेळी सांगितले.

‘गुलकंद’मध्येही हास्यजत्रेच्या विनोदांची स्वच्छता आणि शुद्धता – प्रसाद ओक यांचे गौरवोद्गार

Sant Tukaram Maharaj Palkhi l श्री संत तुकाराम महाराजांच्या पालखीचे 18 जूनला पंढरीकडे प्रस्तान

आषाढी वारीच्या पार्श्वभूमीवर वारकऱ्यांच्या सुविधांसाठी काटेकोर नियोजन करा - जिल्हाधिकारी जितेंद्र डुडी